Nin eleccións anticipadas nin moción de censura. A crise política desatada polo caso Bárcenas debe saldarse simplesmente co abandono de Rajoy da presidencia do goberno español. Iso é o que defendeu en conferencia de imprensa o secretario xeral do PSOE.
Rubalcaba argumenta que a continuidade de Rajoy na presidencia do Goberno dana a imaxe do Estado español no exterior.
Alega tamén que Rajoy non está nin sequera en condicións de cesar os seus ministros.
Rubalbaca restou todo valor á publicación por parte de Rajoy da súa declaración da renda: "canta máis transparencia, mellor. Porén, non desviemos o problema: nas declaracións da renda non aparece o diñeiro negro".