![Albert Rivera tras anunciar a súa dimisión. [Imaxe: Fernando Sánchez / Europa Press]](/asset/thumbnail,1280,720,center,center/media/nosdiario/images/2019/11/11/2019111112062236218.jpg)
As eleccións do 10 de novembro cóbranse a súa primeira víctima. O presidente de Ciudadanos, Albert Rivera, anunciou esta segunda feira a súa dimisión.
O político catalán deixa a presidencia do seu partido após a debacle electoral experimentado por Ciudadanos, que perdeu 47 escaños en 2,3 millóns de votantes no Estado español.
Ciudadanos e o seu futuro
Rivera trasladou esta decisión á Executiva na reunión convocada o propio domingo, tras coñecerse o resultado electoral. Está previsto que nos próximos días se estableza a data do congreso extraordinario da formación laranxa na que se abordará o futuro do partido fundado polo propio Rivera.
