Senén Pousa, alcalde de Beade desde 1974, logrou unha acta de concelleiro, tras presentarse como candidato pola Agrupación de Electores por Beade despois de ser apartado polo PP, e tras 49 anos deixará de ser rexedor desta localidade da comarca do Ribeiro.
Co 100 % dos votos escrutados, o PP, encabezado por Fernando Taboada, logrou facerse con 3 dos 7 representantes da Corporación, baixando un edil; mentres que o PSOE logra 2 actas (unha menos) e, ademais da agrupación encabezada por Pousa, entra no Concello, un representante da Agrupación Veciñal Independente de Electores (Avide).
Segundo o reconto tras estes comicios, o PP logrou 37,63% dos votos, fronte a 53,8% logrado en 2019; o PSOE tamén baixou, de 37,1 a 21,8%; e o BNG, que volveu a quedar fóra da corporación, tamén reduciu os seus apoios.
Pousa, polémico por declararse abertamente admirador de Francisco Franco, foi rexedor baixo as siglas de Coalición Democrática, Centristas de Galicia e polo PP. Con todo, Manuel Baltar apartouno para pór como cabeza de lista Taboada nesta cita electoral.
Quintela de Leirado
Por outra parte, outro dos alcaldes , máis veteranos da Galiza, o de Quintela de Leirado, José Antonio Pérez Cortés, rexedor desde 1976, volveu a revalidar a súa maioría absoluta en Quintela de Leirado. O candidato do PP logrou as 7 actas do Concello, con 87 % dos votos converténdose así no rexedor máis veterano da Galiza.
Así, con 100 % escrutado, o PP logrou 315 votos (fronte aos 385 de 2019) e o PSOE solicitou 38 apoios ( 13 menos que hai 4 anos).
