A relación de Lupe Murillo co sector do xogo

As relacións do Partido Popular e da patronal galega do xogo chegaron ao Parlamento. Mentres os grupos da oposición afean a conivencia entre a Xunta e o sector do xogo, os populares fan causa coas demandas da patronal do xogo. O PP prepárase para aprobar nas próximas semanas unha rebaixa de impostos sen precedentes para este sector na Galiza. Unha das deputadas que votará a favor da iniciativa é Lupe Murillo, esposa do presidente da patronal galega do xogo, Serafín Portas, e persoa politicamente moi próxima a Alfonso Rueda.