Os Gobernos galegos de Alberto Núñez Feixoo e Alfonso Rueda deixaron sen gastar "até 1.770 millóns de euros" do orzamento dá Xunta da Galiza para políticas activas de emprego desde o ano 2009.
Así o denunciou esta terza feira o voceiro parlamentario do PSdeG, Luís Álvarez, ao comparecer após a xunta de portavoces da Cámara, desde onde emprazou Rueda "a dar conta da falla de medidas para mellorar a situación económica dos galegos e das galegas".
Álvarez reclamou ao presidente da Xunta que ofreza "algo máis que vaguidades e obviedades", e exixiu medidas para axudar a poboación en situación de vulnerabilidade, medidas estratéxicas para dinamizar a economía e apoiar empresarios e autónomos.
Álvarez, ademais, afeou o Goberno galego que nin sequera tivera a ben convocar "nin unha soa vez nesta lexislatura" o Consello Autonómico ou os consellos provinciais de emprego, órganos consultivos a disposición do Executivo da Galiza. O PSdeG tamén presentará no próximo pleno unha proposición para exixir o aumento de persoal para a saúde mental.
