Os presos políticos cataláns abandonan a greve de fame

Após 20 días

[Imaxe: Omnium Cultural] Os presos políticos cataláns, na prisión de Lledoners.
photo_camera [Imaxe: Omnium Cultural] Os presos políticos cataláns, na prisión de Lledoners.

Jordi Sànchez, Jordi Turull, Josep Rull e Joaquim Forn, os catro presos políticos cataláns que hai 20 días iniciaron unha folga de fame, abandonaron esta medida esta quinta feira. Así o anunciou a súa portavoz, Pilar Calvo, quen asegura que os obxectivos do protesto foron conseguidos: visibilizar a situaión dos presos políticos e “espertar” o Tribunal Constitucional para ‘desatascar’ os recursos presentados.

 “Após un ano de inacción, o Constitucional abre o caixón onde os nosos escritos de amparo foran condenados ao esquecemento e ábresenos a porta agora a poder acceder ao Tribunal Europeo de Dereitos Humanos”, indican estes presos nunha carta.

No texto agradecen os apoios e mostras de solidariedade recibidas nestes días, con especial mención ás súas familias e ás “miles” de cartas recibidas en prisión.

Comentarios