O ministro da Administração Interna de Portugal en aberto a posibilidade de alterar horarios nas fronteiras terrestres ou o número de postos de paso obrigado entre o territorio portugués e Galiza.
A Agrupación Europea de Cooperación Territorial ( AECT) Río Minho esixiu a semana pasada aos Gobernos español e portugués "respecto" polos 6.000 traballadores transfronteirizos impedidos de cruzar a fronteira en todos os puntos que ligan o norte de Portugal e Galiza
O ministro Eduardo Cabrita manifestou "moita comprensión" en relación á situación e subliñou que ten mantido diálogo con todos os alcaldes do país.
"Comprendo a preocupación e por iso, ten habido pleno diálogo. E, como teño dito, haberá unha reavaliación quincenal que en función da evolución da pandemia poderá ponderar a alteración de horarios ou de número de postos de paso ", sustentou.
O Agrupamento Europeo de Cooperación Territorial AECT Rio Minho manifestou esta segunda feira que os concellos miñotos manteñen a “máxima expectativa” ante a posibilidade de apertura de máis pasos na fronteira con Portugal, unha medida que poderá ser concretada nos vindeiros días.
O vicedirector do AECT Uxío Benítez explicou que os presidentes de cámara portugueses mantiveron contactos informais co Goberno central portugués,” o máis ríxido á hora de manter o peche da raia”, e salientou que "a pesar de non recibir información oficial, satisfacen as declaracións dadas por Eduardo Cabrita, que deixou en aberto a posibilidade de alterar horarios nas fronteiras terrestres ou o número de postos de paso obrigatoria”.
Benítez subliñou que é preciso que se abran todos os pasos existentes e se habiliten controis de maneira continua (24h) posto que, segundo subliñou, os horarios das empresas e do persoal laboral dunha e doutra beira do río son moi variados. Lembrou que o actual paso de Salvaterra, só aberto dúas horas pola mañá e dúas pola tarde, non supón ningún beneficio para traballadoras e traballadores, xa que ao traballar en quendas vense igualmente obrigados a cruzar o río a través do único paso autorizado de Tui por non coincidir os horarios.