O mozo Aladios G.Y, coñecido como ‘Che’ foi detido por axentes da Policiía Nacional na cidade de Ourense, e a estas horas estaría na comisaría de As lagoas, segundo confirmaron fontes do organismo anti-represivo Ceivar.
O mozo, militante da Assembleia da Mocidade Independentista (AMI) e moi implicado no movemento social da cidade, estaría acusado de provocar danos nunha sede do Partido Popular e nunha entidade financeira e está previsto que nas vindeiras horas pase a disposición xudicial.
Nas últimas horas, e através das redes sociais, amigos e compañeiros de Che manifestaron o seu rexeitamento a unha detención que cualifican de "política" e preparan actos de solidariedade