Após unha fin de semana de debate, o líder d@s socialistas galeg@s, Pachi Vázquez, clausurou o Comité nacional do PSdeG cun discurso en que aplelou á "tranquilidade interna" até se celebrar o Congreso nacional, cando se "renoven as persoas e o proxecto".
Ao longo destas dúas xornadas de debate interno, múltiples militantes que participaban como delegad@s no Comité, expresaron o seu interese porque o voceiro socialista, Pachi Vázquez, dimitise do seu cargo xunto con outr@s membro@s da dirección do partido. Neste sentido, Vázquez apelou á "tranquilidade interna" en aras de evitar "deslealdades" durante o proceso.
Vázquez: "Necesitamos un Congreso ordinario para darlle a volta ao PSdeG como un calcetín"
![Publicidade 196050]()
O líder d@s socialistas galeg@s, asegurou que se mantería no seu cargo até a celelebración do Congreso en 2013. Finalmente o Comité nacional do PSdeG aprobou a convocatoria dun Congreso ordinario --en troca de extraordinario, como apuntaban inicialmente-- en que ademais de renovar as persoas que ocuparán a dirección da formación, se elaborará un novo proxecto político co que recuperar, dixo o líder d@s socialistas, a "confianza do noso electorado".
Aliás, Pachi Vázquez defendeu a necesidade de que o PSdeG siga un itinerario propio no proceso de re-xeneración interna, para o que apelou ao carácter de "comunidade historica de Galiza", ao igual que Euskadi e Catalunya. Asemade, avanzou que defendería para o PSdeG un "trato diferenciado" na estrutura federal do PSOE.
