Os grupos parlamentares apresentaron de maneira conxunta esta terza feira unha declaración institucional en que se insta ao executivo español a indultar a David Reboredo. O veciño de Vigo atópase na prisión da Lama por un delito cometido en 2006 en que o mozo foi detido portando unha papelina de heroína de 400 mg. Após máis de cinco anos, a xustiza ordenou a súa entreda na cadea malia a estar rehabilitado e participar en diversos programas de axuda para drogodependentes e prevención do consumo de drogas.
Logo dunha intensa campaña en que a familia de David contou cun importante apoio social, político e sindical; o Parlamento de Galiza vén de se posicionar en prol da súa posta en liberdade, porén o Goberno español amosouse durante todo este tempo contrario a indultar ao vigués, malia a que nos primeiros once meses do seu mantado, o ministro de xustiza puxo en liberdade a 468 persoas --entre elas, algúns casos tan polémicos coma o do kamikace.