O portavoz parlamentar do BNG, Francisco Jorquera, manifestou que a venda de Novagalicia Banco producirá “un efecto catastrófico” para Galiza e criticou que mentres Bankia non será vendida por considerala sistémica para España, NoGB será posta a venda a “prezo de saldo”.
O deputado explicou que hoxe, máis que nunca, Galiza precisa dun sistema financeiro propio que impida o “espolio do aforro galego” e rexeitou que tras ser mobilizados máis de 9.000 millóns de recursos públicos para sanear a entidade financeira, agora sexa vendida a “prezo de saldo”.
O BNG presentou no Congreso unha Proposición non de lei destinada a paralizar o proceso de venda de NGB anunciado polo FROB.
“Ata o 2017 hai tempo para escoller outras opcións, afirmou, e non aceptamos dicir Amén aos ditados de Europa nin a lóxica perversa de insuflar fondos públicos para sanear os bancos para seren mal vendidos despois”.
Máis comparecencias: MAFo, Almunia e Fernández Currás
O portavoz do grupo parlamentario do BNG, Francisco Jorquera e a deputada Carme Adán afirmaron hoxe que “non dan por pechada a comisión de investigación das caixas galegas” e reclaman as comparecencias de Miguel Angel Fernández Ordóñez, Marta Fernández Currás e Joaquín Almunia.
“Núñez Feijóo, dixo, non respondeu a ningunha das preguntas formuladas e dedicouse a botar balóns fora” como acostuma a facer cando é interpelado polos problemas dos sectores produtivos galegos.,manifestou Jorquera