As tres empresas convidadas desenvolven labores de desbroce forestal e eliminación de vexetación para a prevención de incendios. Segundo o expediente de contratación o procedemento incorre en irregularidades de acordo cos principios de contratación administrativa.
Neste senso, o grupo municipal nacionalista rexistrou preguntas dirixidas ao alcalde que non foron respostadas no prazo. Así pois, o BNG introduciu máis unha batería de preguntas a tratar na Xunta de Goberno que terá lugar a vindeira cuarta co obxectivo de pór luz sobre o proceso de contratación e as responsabilidades "de todo tipo" que podería carrexar o mesmo.
Segundo o BNG, na documentación que acompaña ao expediente reflíctese que as empresas xa participaran nun proceso de contratación anterior, promovido --ao igual do que este-- pola Concellaría de Medio Rural.
Mañá, a Xunta de Goberno, deberá dar resposta ás demandas nacionalistas e esclarecer cal é a razón social e con cargo a que procedemento de contratación, pois a fronte nacionalista alerta de que o expediente compromete principios de contratación administrativa.