Os dados tirados da enquisa elaborado polo Centro de Investigacións Sociolóxicas (CIS) recolle que o 18,5% d@s enquisad@s se consideran "nacionalista galeg@", en troca o 76% di non o ser.
O sentimento naconalista é maioritario nas faixas de idade entre os 27 e os 44 anos
Porén, nunha escala do 1 ao 10 a maior parte da mostra (24,5%) sitúase na metade, sendo maioritario este "sentimento nacionalista" nas faixas de idade entre os 27-44 anos. Aliás, a maior parte d@s enquisad@s (74,8%) considérase "tan español/a como galeg@" fronte o 5,4% da mostra que di ser "unicamente" ou "máis" español/a. Doutra banda, o 18,5% asegura ser "máis" ou "unicamente galeg@".
A respeito do modelo territorial, a enquisa do CIS recolle que o 50,3% d@s galeg@s obxecto de estudo prefire un estado "como na actualidade" en troca dun con maiores competencias descentralizadas (9,8%) ou nun en que os territorios posúan capacidade para se independizaren (2,7%). Doutra banda, o 16,2% apostarían por unha maior re-centralización política do Estado español ou con "menor autonomía" para as comunidades que o integran.
