DEIXA O CARGO APóS DA DERROTA EN PRIMARIAS ANTE LEICEAGA

Méndez Romeu demite como voceiro socialista

O ata agora voceiro socialista no parlamento galego, Xosé Luís Méndez Romeu, anunciou está mañá que dará un paso ao lado e se retirará do cargo, despois da derrota sufrida ao presentarse candidato a encabezar as listas do PSdeG de cara ás eleccións galegas. A persoa substituta de Romeu como voceira será nomeada pola comisión xestora do partido.

Méndez Romeu_PSdeG
photo_camera Méndez Romeu anunciou a demisión na sede parlamentaria do PSdeG Foto: Irene Pin

Xosé Luís Méndez Romeu demitiu esta mañá do seu cargo como voceiro parlamentario do Partido Socialista de Galicia. Romeu confesou que o propio Xaquín Fernández Leiceaga lle pediu persoalmente que continuase no posto, do mesmo xeito que o fixo Pilar Cancela, presidenta da Comisión Xestora do partido e encargada, agora, de nomear unha persoa substituta.

"A mellor decisión é que se nomee a outra persoa"

Porén, Méndez Romeu alegou que a división de opinións entre el e o que foi seu rival nas eleccións primarias non favorecería a labor do PSdeG, toda vez que se mostrou congratulado polo apoio: "Agradezo a confianza da xente do meu partido, pero creo que a mellor decisión para o desenvolvemento do traballo nos vindeiros meses é que se nomee a outra persoa."

"A vitoria de Leiceaga só muda a cara de quen protagonizará o cambio de goberno"

Xosé Luís Méndez Romeu resto importancia ao feito de deixar o cargo previamente ao final da lexislatura, xa que os seus dous antecesores, Abel Losada e Pachi Vázquez, tamén dimitiron nesta circunstancia. Romeu non se arrepinte de ningunha decisión tomada e argüiu que: "Os actos teñen consecuencias e as consecuencias hai que asumilas". Esta demisión é o xeito de actuar consecuentemente, escollido por Romeu, quen tampouco deu pasos atrás nas súas declaracións dos últimos días nas que interpelou a Feijóo asestando que el sería o seu sucesor como Presidente da Xunta: "Eu presenteime para ser Presidente e a vitoria de Leiceaga só muda a cara de quen protagonizará o cambio de goberno."

Ante a incógnita de quen será a persoa elixida para suceder a Romeu no cargo, a Viceportavoz do partido, Carmen Gallego Calvar, descartou calquera posibilidade de ser ela quen ocupe o cargo debido: "Ao apoio activo que fixen da súa candidatura".

 

Comentarios