O Consello de MInistros do pasado 26 de maio adoptou, en funcións, unha disposición sobre Reganosa que, a dicer dos candidatos de En Marea, supón un intento de legalizar a presenza de Reganosa na Ría de Ferrol, embora esta ser unha factoría “ilegal, perigosa e insalubre”, afirmou Yolanda Díaz.
Para analisar en sede parlamentar esta decisión, En Marea demandou a convocatoria da Deputación Permanente no Congreso. A demanda foi rexeitada polo presidente do Congreso, Patxi López. Agora En Marea anuncia, no primeiro día da campaña, que apresentarán un recurso contra esta decisión de López.
Os candidatos de En Marea -dous deles, Gómez Reino e García Buitrón, de Podemos; Yolanda Díaz, de EU- cualificaron a decisión do Consello de Ministros do 26 de maio de “falcatruada do PP que pon en risco a seguridade da poboación da Ría de Ferrol”.
Gómez Reino perguntouse “quen se vai beneficiar de todo isto, quen se vai beneficiar da porta xiratoria de Reganosa” e chamou a votar En Marea o 26X para existir unha maioría parlamentar “que permitirá sacar Reganosa da Ría"