Alexandra Fernández, deputada de En Marea no Congreso español, pide explicacións ao Goberno nunha serie de preguntas rexistradas no Congreso por non ter defendido perante a UE a candidatura de Vigo ao centro europeo de referencia para os crustáceos que vai para Dinamarca co voto favorábel do executivo español.
A parlamentar considera “inconcebíbel que após do sucedido co centro de referencia europeo para os moluscos, cun Feijoó desactualizado que nin se enteirou de que o Goberno do PP de Rajoy votara en maio pasado a favor do peche do centro de moluscos sen dar a batalla para que fose para Vigo, agora deixe escapar o centro de referencia para crustáceos sen defender unha posición propia na UE e incluso vote a favor de que vaia para Dinamarca”.
Fernández afirma que “este tipo de feitos demostran ás claras unha total deixación de funcións en canto a defender os intereses do estado español, e en concreto os de Galiza coa posibilidade de que Vigo albergase este centro de investigación. A posición do Executivo de Rajoy así como a debilidade e fraxilidade do Presidente da Xunta respostan á política da inoperancia, da indiferencia e da ineficacia”.
