En Marea, que non concorreu o 10N, pide un goberno “progresista”

Emprazan as forzas “progresistas” galegas a unha “reflexión honesta” para construír unha “alternativa” que gañe a Feixoo

En Marea
photo_camera [Imaxe: En Marea] Unha rolda de prensa posterior ao Consello das Mareas en Compostela

En Marea pide ás “forzas progresistas galegas” que se “comprometan inmediatamente”  coa formación dun novo goberno no Estado español, “pechando as portas [...] a calquera especulación dunhas terceiras eleccións”.

Aliás, emprazan esas mesmas forzas a “unha reflexión honesta sobre o horizonte electoral galego, para construír unha alternativa capaz de derrotar a Feixoo e abrir unha primavera social e galeguista en 2020”. Advirten que este domingo PP volveu ser primeira forza na Galiza e que a “falta de unidade” na esquerda “resta atractivo electoral”.

Uns chamamentos que En Marea fai, afirma nun comunicado, “coa lexitimidade que nos dá como forza política ter adoptado a decisión de non concorrer puntualmente a estas eleccións xerais para evitar un fraccionamento do voto progresista galego que puidese propiciar o avance das dereitas na Galiza”.


 

Comentarios