A proposta que Luis Villares lanzou esta fin de semana para constituír unha plataforma única das forzas “progresistas” en Galiza de cara ao Senado xa recibiu o non d PSdeG. O portavoz parlamentar dos socialistas, Fernández Leiceaga, pediu que “aqueles que queiran ennoivar co BNG con nos empreguen a nós como carabina”. Non foi a única mensaxe que Leiceaga dirixiu a En Marea, á que instou a “poñer orde na súa casa” antes de “ampliar a desorde”.
Leiceaga insistiu en que PSdeG ten un compromiso “co estatuto e a constitución” e que isto marca as relacións das e dos socialistas para chegar a acordos con outras forzas. Respecto ao 28A, o portavoz socialista sinalou que non queren marcarse límites en Galiza en canto a resultados, apuntando a un aumento de porcentaxe de voto e de representación do PSdeG.
