Francisco Jorquera achegaba o ponto de vista nacionalista ás tertulias da Radio Galega. Oferecía unha visión das cousas desde o soberanismo e tamén a súa rica experiencia política: ex senador e ex portavoz do BNG no Congreso dos Deputados e no Parlamento galego, ben como candidato do Bloque á presidencia da Xunta nas eleccións de outubro de 2012.
Un currículo insuficiente a ollos dos responsábeis da grella da RG para continuar nas tertulias da radio pública.
A RG tería prescindido de Jorquera sen a menor explicación, segundo di el propio nun chío en que bota man da ironía para se referir a como entende o PP o respeito ao pluralismo que en teoría debe rexer o funcionamento dos meios públicos.
Por certo, a min xa me aplicaron o 155. Excluído das tertulias da @RadioGalega sen sequera unha chamada ou explicación. #ComomanipulaTV3.
— Francisco Jorquera (@jorqueracaselas) 23 de outubro de 2017
