“Le voy a responder con unha pregunta pero no se preocupe, no soy gallego”. Javier Maroto, secretario de Organización do Partido Popular español, respondeu deste xeito a unha cuestión que lle formulaba o xornalista Aimar Bretos nunha entrevista na Cadena Ser na mañá desta quinta feira.
Bretos preguntoulle se o PP estaba disposto a se abster no debate de investidura para facilitar que Pedro Sánchez puidese ser proclamado presidente. Maroto botou man do tópico de asociar as galegas con responder cunha pregunta para posteriormente ‘tranquilizar’ o xornalista: “No soy gallego, no se preocupe”.
Non é a primeira vez que políticos españois meten a zoca con comentarios que repiten certos prexuízos e tópicos sobre os habitantes da Galiza. Un exemplo é Rosa Díez, durante moitos anos militante do PSOE pero reciclada en centralista e centrista de nova cuña en UPyD, que empregara o termo “gallego” como insulto en varias ocasións. A de máis sona fora cando, para definir o ex presidente do Goberno José Luis Rodríguez Zapatero, afirmara que este era “gallego, en el sentido más peyorativo del término”.
Desculpas
O propio Javier Maroto na súa conta de Twitter pediu desculpas por se as súas declaracións poideran ser "malinterpretadas". Fíxoo após unha internauta reprocharlle, citando a información de Sermos Galiza, as súas frases.
Solo tengo buenas palabras y la mejor de las impresiones de los gallegos. Tan solo he dicho en la entrevista que iba a contestar a una pregunta con otra. He pretendido que fuese un comentario amable. Si no ha sido así, y se ha podido malinterpretar, pido disculpas. https://t.co/K2FVgW5IIc
— Javier Maroto (@JavierMaroto) 4 de xullo de 2019