xoves 09.07.2020
Con independencia dos resultados electorais

Guillerme Vázquez aposta nunha organización política autoorganizada cos pés na terra

O ex portavoz nacional do BNG Guillerme Vázquez ve necesarias organizacións políticas “propias” cos “pés” na Galiza, sexan cales sexan os resultados electorais.

Guillerme Vázquez aposta nunha organización política autoorganizada cos pés na terra

Guillerme Vázquez teno claro. Para el, o nacionalismo “ten que seguir existindo”. “Eu optarei sempre por unha organización política autoorganizada, cos pés na terra, e desde logo, independentemente dos resultados electorais”, sinalou, preguntado polos medios antes de se iniciar a manifestación contra a ilegalización de Causa Galiza.

“Como dicía Arsenio: es difícil hombre, es difícil”, exclamou o ex dirixente nacionalista preguntado pola situación do BNG. Guillerme Vázquez insistiu en que malia os resultados electorais que poidan ter lugar, cre nas ideas e aposta nelas. Puxo como exemplo o momento en que se presentou por vez primeira nunha candidatura do Bloque, “no meu concello, en Pontevedra, o BNG non tiña ningún concelleiro”.

“Eu, desde logo, seguirei apostando en que Galiza é unha nación, no dereito a decidir, na soberanía e na necesidade de organizacións políticas propias”, concluíu, antes de salientar que “por suposto, respectando todo o que queiran facer os demais, que a min me parece estupendo”.

comentarios