Para probalo, Caballero explicou como un millóns de galegos e galegas “viron mellorar os seus ingresos mensuais” a causa da suba das pensións -“mentres o PP as mantiña conxeladas”-, a mellora dos soldos dos empregados públicos ou o aumento do salario mínimo interprofesional (SMI). “Esta é a prioridade social do Goberno socialista”, engadiu.
O secretario xeral dos socialistas galegos tamén se referiu a “4.325 millóns de euros para os estaleiros públicos de Ferrol” ou á “aposta pola biblioteca e o museo de Ourense”. As políticas do Goberno de Sánchez de cara á Galiza, sinalou, son o contrario da “política de confrontación de Feixoo pata tapar a súa mala xestión”. O emprego medra no Estado, dixo, “e na Galiza cae”.
“Non nos podemos permitir un presidente que minte de forma continua, non asume ningunha responsabilidade e quere manterse no poder a través do escapismo”, asegurou,”ademais de colocar os intereses do PP por riba dos galegos”. Ao ver de Gonzalo Caballero, o “bo goberno socialista” demóstrano na Galiza as alcaldías de cinco das sete cidades e as presidencias de tres das catro deputacións.