Pío García-Escudero e Eugenio Nasarre admitiron esta segunda feira en declaración xudicial teren percibido sobresoldos do PP. Os dados achegados por ambos os dous militantes populares veñen a confirmar as informacións recollidas polo ex-tesoureiro do PP Luís Bárcenas --e mesmo van para alén das notas tomadas por este.
O actual presidente do Senado, García-Escudero confirmou ter recibido pagamentos por valor de 4.200 euros mensais entre 1999 e 2003 en concepto de "gastos de representación". Pola súa banda, o deputado Eugenio Nasarre confirmou ao maxistrado ter cobrado sobresoldos de 1.800 euros entre 2000 e 2004.
Nasarre asegurou na súa declaración que estes pagamentos eran "habituais" no partido e que eran estandarizados desde a Secretaría Xeral do PP.