Ciudadanos tivo nas eleccións do 20 de decembro un deputado por Galiza, Antonio Rodríguez, eleito pola circunscrición da Coruña. Mais non será Rodríguez quen lidere a candidatura da formación laranxa para as eleccións do 26X, senón José Canedo, un dos homes fortes de Ciudadanos en Galiza e que en 2012 foi candidato á Xunta pola UpyD.
Para Rodríguez a decisión de Ciudadanos de relevalo é unha “cacicada” que carece de xustificación algunha. En declaracións recollidas por La Voz de Galicia fala de “dedazo” e lembra que el foi quen gañou as primarias convocadas bno seu momento. O cambio por Canedo non respondería, afirma, a discrepancias co seu traballo mais a que o partido de Albert Rivera prefería optar por alguén con mellor desenvolvemento perante os medios.
Para o ex-parlamentar, con estas decisións Ciudadanos o que fai é ir contra os seus propios estatutos e contra as primarias.