Contratos da Xunta por máis de 70 millóns de euros a un “cartel” multado pola CNMV

O BNG denunciou no Parlamento o trato de favor por parte da Xunta a determinadas empresas tecnolóxicas, como Indra e Everis.

GRA114 SANTIAGO DE COMPOSTELA, 04/10/2017.- El presidente de la Xunta, Alberto Núñez Feijóo, recibe aplausos tras su intervención esta mañana en el Parlamento gallego, que celebra el primer debate de política general de la legislatura en el que intervendrán los portavoces de los distintos grupos, en Santiago de Compostela. EFE/Lavandeira Jr

O BNG denunciou no Parlamento o trato de favor por parte da Xunta a determinadas empresas tecnolóxicas, como Indra, e Everis, que recibiron “cuantiosos contratos” por máis de 70 millóns de euros pola prestación de servizos informáticos e tecnolóxicos. “Estas empresas foron multadas pola Comisión Nacional de Mercado de Valores (CNMV) o pasado 1 de agosto de 2018 por argallar un cartel de empresas, así o di o propio órgano de control, para amañar adxudicacións de contratos por servizos tecnolóxicos e informáticos con administracións públicas”, explicou o deputado Luís Bará.

A modo de exemplos, o parlamentar citou os contratos de atención 012 adxudicados en 2011 a unha empresa de capital risco, Contac Nova do grupo Netadccede-, creada en 2009 por ex altos cargos da Xunta e do PP, “entre eles o ex director xeral de informática”. Foi beneficiaria de numerosos contratos nos últimos 8 anos, “como o de atención telefónica e de cita previa do Sergas desde 2011 por valor de 9 millóns de euros”. “Falta transparencia e sobra opacidade neste ecosistema de empresas, moitas delas multinacionais que se están lucrando da privatización de servizos públicos como ocorre na sanidade”, dixo.

Por iso, o nacionalista pide á Xunta que leve a cabo unha investigación “pola posíbel actuación deste cartel tamén na Galiza, pois estas empresas que recibiron ducias de contratos millonarios, están empotradas na administración pública”.

Comentarios