Despois de varios meses de disputas internas consúmase a ruptura do PP de Barro.
Tres dos catro concelleiros do grupo municipal do Partido Popular veñen de entregar no Concello un escrito que confirma a escisión.
Nun escrito dirixido ao alcalde Xosé Manuel Fernández Abraldes, os edís José Antonio Landín, José Suárez e Emilio Martínez solicitan a baixa do grupo popular para integrarse nun único grupo político como concelleiros non adscritos.
A renuncia formalizarase a finais de xullo, cando está previsto o próximo pleno da corporación, se ben xa anticiparon que nas próximas sesións " xa non representarán ao Partido Popular de Galicia en Barro".
Un único edil
Así, o Partido Popular contará a partir de agora cun único concelleiro en Barro, Alberto Díaz.
O malestar no grupo popular acelerouse a finais de maio, cando o PP de Pontevedra anunciou a creación dunha nova xestora encabezada por Eduardo Ruadas.
O nomeamento no gustou a unha parte dos populares, desconforme con esta remuda.