sábado 04.07.2020

Ducias de persoas condenan na Coruña o golpe contra o goberno lexítimo de Venezuela

Na concentración entoáronse palabras de orde a favor da revolución bolivariana e contra o Goberno Sánchez, que esta mesma segunda feira recoñeceu Juan Guaidó como presidente de Venezuela, 

Un momento da concentración
Un momento da concentración

Ducias de persoas concentráronse no serán desta segunda feira fronte á sede da subdelegación do goberno español da Coruña para protestar contra o golpe de estado en curso en Venezuela, unha operación patrocinada polos EUA que agora conta co aval da maioría dos estados da Unión Europea, e contra o recoñecimento de Juan Guaidó como presidente do país caribeño por parte do goberno español.

"Isto é un golpe de Estado", "Contra o imperialismo, nin un paso atrás" ou "Galiza e Venezuela, solidariedade" foron algúns dos cánticos máis entoados pola concorrencia.

O acto insírese nunha xeira de mobilizacións a favor da revolución bolivariana que tamén tiveron o seu espazo nas cidades de Vigo e Compostela, e nel tomaron parte Paulo Carril, secretario xeral da CIG, e María Xosé Bravo, presidenta da asociación cultural Alexandre Bóveda. Deixáronse ver tamén rostros da política, como Mario López Rico, de Cerna, ou Manel Francisco Méndez, responsábel local do BNG.

comentarios