O Comité de Persoal apunta á xestión en materia de recursos humanos que atravesa o Concello Vigo nos últimos anos e alerta do "proceso de desmantelamento dos servizos públicos" que sofre a cidade.
A ollos dos sindicatos con representación no Concello, esta situación "vese agravada, de maneira moi significativa, desde o inicio do mandato coa designación de Elena Espinosa á fronte das Concellarías de Economía, Seguridade e Organización Municipal".
Segundo denuncian, Espinosa "vén amosando unha constante actitude de desprezo" ao comité, ademais de múltiples disfuncións, polas que solicitan o seu cesamento como concelleira delegada de Organización Municipal.