O Centro de Investigacións Sociolóxicas (CIS) fixo públicas as súas previsións electorais de cara aos comicios do 20 de decembro. Segundo os resultados do barómetro o Partido Popular gañaría as eleccións co 29,1% dos votos, unha décima máis que nas previsións de xuño.
Pola súa banda, o PSOE ficaría por detrás co 25,3% de estimación de voto --fronte ao 24,9% que lle concedía hai tres meses. O estudo mantén unha caída de catro puntos para Podemos que pasaría do 15,7% ao 10,8% dos sufraxios.
En troca, Ciudadanos estaría a recoller maiores apoios, no concreto do 11,1% que apuntaba o barómetro de xullo, tres meses despois e coincidindo o desenvolvemento das enquisas con días posteriores ás eleccións catalás, prevé que obteña o 14,7%.
O BNG obtería o 0,5% do voto estimado
Tamén aumentaría, previsibelmente, Izquierda Unida que obtería o 4,7%, tres puntos máis que hai tres meses.
A respeito da Galiza, o CIS rexistra unha queda de dúas décimas para o Bloque Nacionalista Galego que pasaría do 0,7% do voto estimado ao 0,5%.
As forzas independentistas catalás e bascas mantéñense. ERC (2,2) e Convergència (2,9), esta última sen Unió que ficaría cun 0,1% dos votos. Amaiur obetería o 1,2%, segundo o CIS.