A capital española acollerá esta cuarta feira (6 de maio) un debate en forma de conversa entre distintas candidaturas municipalistas baixo o lega #AgoraEnComún.
No acto, do que fará parte o candidato da Marea Atlántica, Xulio Ferreiro, contará coa participación de Ada Colau (Barcelona En Comú), Manuel Carmena (Ahora Madrid), Isabel Torralbo (Málaga Ahora), Pedro Santisteve (Zaragoza en Común) e Xavi Mantilla (Terrasa en Comú).
Desenvolverase no Museo Reina Sofía , ás 19h, e visa presentar as propostas das distintas candidaturas de cara aos comicios de maio baixo a fórmula dun debate en conversa.
No evento de convocatoria, que xa se move polas redes sociais, preséntanse como candidaturas cidadás que concorren por vez primeira ás eleccións e que, din, "queren participar dun proceso de cambio social e político, dunha auténtica revolución democrática que leva anos en marcha e que chega agora aos concellos".
