Carmen Santos non competirá para liderar Podemos en Galiza. A actual secretaria xeral, cargo ao que accedeu en 2016, anunciou que renuncia a participar no proceso de renovación do partido en Galiza que vai concluír en outubro.
Santos, iso si, apoiará a proposta que defenda a actual liña de dirección de Podemos Galiza – que será unha muller, anunciou, e que competirá polo liderato do partido coa de Antom Gómez-Reino, Tone, deputado no Congreso dos Deputados.
A aínda secretaria xeral defendeu o traballo desenvolvido nestes dous anos, centrados na “pacificación” e “fortalecemento” de Podemos no noso país. “Voume satisfeita, isto non é un paso atrás”, pois continuará o seu compromiso se en no campo insttucional.
Reprochou a Gómez-Reino que non comunicase aos equipos de traballo nestas eleccións que ía concorrer como candidato, equipos cos que o deputado, dixo, nin sequera contactou.
