A peza audiovisual, de cinco minutos de duración, acompaña a Pontón -tamén portavoz parlamentaria do Bloque- durante unha xornada de traballo. “Foron dous anos moi intensos no político e no persoal”, explica. A “solidez” da base militante e da dirección frentista, añade, contribuíron a reforzar o BNG que, “se non existise, habería que inventalo”.
O apoio á folga feminista do 8 de marzo, a denuncia do espolio enerxético ou da privatización das autoestradas, ou a situación de precariedade laboral son algúns dos temas tratados e que estruturaron a política do Bloque nos dous últimos anos. “Somos un país rico empobrecido por políticas que nos marxinan”, resume.