![[Imaxe: Galipedia] Hospital Álvaro Cunqueiro de Vigo](/asset/thumbnail,1280,720,center,center/media/nosdiario/images/2016/03/19/2016031912570052676.jpg)
O BNG levará ao Parlamento galego a vulneración de dereitos lingüísticos no Sergas, após a noticia publicada en Nós Diario sobre a denuncia formulada por un doente, polo trato recibido no Hospital Álvaro Cunqueiro.
A portavoz de sanidade nacionalista, Montse Prado anunciou que exixirá “expliacións e responsabilidades” á Consellaría de Sanidade polo acontecido no Hospital vigués e a través de diversas iniciativas pedirá “unha rectificación para respectar os dereitos lingüístos”.
Para a nacionalista, resulta unha falta “gravísima” e “inadmisíbel” a situación vivida por un menor de idade no Hospital Álvaro Cunqueiro. A deputada reitera que non estamos ante “un caso illado” xa que o Sergas é un dos organismos públicos “que máis denuncias recibe cada ano da cidadanía por vulneración de dereitos lingüísticos como reflicte anualmente o informe do servizo A Liña do Galego posto en marcha pola Mesa pola Normalización Lingüística”.
