O BNG apostou en Pontevedra, a praza forte da formación frentista para a campaña das municipais, e Pontevedra, mais unha vez, non lle fallou ao Bloque, cun cheo absoluto do Pazo da Cultura.
Na súa intervención de clausura do acto, o portavoz nacional do BNG, Xavier Vence, postulou a formación nacionalista como alternativa a un PP que definiu como "corrupto, anti-social e traidor a este país".
O líder nacionalista mostrou a súa confianza en que o 24M o BNG superaría todas as espectativas, as "propias e as alleas" e tirou de orgullo dicendo que "os agoreiros están hoxe desgustados" ante o vigor organizativo do Bloque en todo o territorio: "259 candidaturas, 4.069 candidatos, un 30% menores de 30 anos. Aquí estamos!", arengou.
"Os agoreiros están hoxe desgustados. 259 candidaturas, 4.069 candidatos, un 30% menores de 30 anos. Aquí estamos!", proclamou Vence
Quixo render tributo á "coraxe" das "candidatas e candidatos" do BNG que "plantan cara ás presións e ameazas desa rede caciquil do PP na Galiza rural e non tan rural". "Estas si son as verdadeiras candidaturas da cidadanía", proclamou.
Minuto a minuto
A seguir eis o relato, frase a frase, con algún chío polo medio, do que deu de si este Encontro Nacional do BNG-Asembleas Abertas:
Ambiente espectacular. Não cabe um alfiler
— Alonso Vidal (@algeroz27) 25 abril 2015
Encontro Nacional Aberto e Día dos Cravos #dependedenos pic.twitter.com/0ga4VNOVUq
— Mateo Cornado (@MateoCornado) abril 25, 2015
[18:46]
Iván Fernández, número 1 por Ferrol: "Por solidariedade Ferrol e Galiza levamos perdendo tempo e tempo, presos de Madrid"
[18:48]
Sandra González, candidata á reelección como alcaldesa en Tomiño: "Co BNG está garantida a participación da veciñanza no goberno dos concellos"
[18:50]
Ana Ermida, candidata en Barreiros: "Ser do BNG é dar a cara e como formiguiñas acabaremos coa corrupción e o caciquismo.
[18:51]
Pilar López, candidata en Monforte: "Traballamos para lograr que a veciñanza viva mellor"
[18:54]
Rubén Cela, número 1 da candidatura de Santiago de Compostela: "Os concellos deste país non precisan dunha rexeneración, precisan dunha auténtica revolución democrática".
[18:57]
Ana González, candidata en Monfero: "As mulleres imos falar e facernos visíbeis".
Para q digam q nom somos internacionalistas n' @obloque. Lado e Aldao utilizando tema cañí para aprender-lhe a Feijoo a colocar o pronome
— Diego VFS (@VladFidelSalvad) abril 25, 2015
[19:14]
Xosé Manuel Carril, número 1 da candidatura de A Coruña: "A soberanía non é cuestión de fronteiras, é de xustiza social".
[19:17]
Francisco García, candidato á reelección como alcalde de Allariz: "Estamos a rachar co tópico de que todos somos iguais, non é certo, mal que lles pese, o BNG demostrou que somos diferentes nos concellos en que gobernamos".
[19:18]
Leticia Santos, candidata de Moaña: "Galiza non é un país pobre, é un país espoliado".
[19:23:]
Serafín Otero, número 1 da candidatura de Vigo: "Chamamos á insubmisión para facer dos concellos galegos un territorio libre de recortes"
[19:27]
Rubén Arroxo, candidato á Alcaldía en Lugo: "Somos a xeración máis estafada da historia".
[19:34]
Momento para entoar o Grândola Vila Morena, no 41 aniversario da Revolução dos Cravos.
[19:35]
Susana García, candidata número 1 en Ourense: "Non queremos concellos gobernados polos especuladores".
[19:42]
Miguel Lores, candidato á reelección como alcalde en Pontevedra: "Nin misas nin Ence, nin Elnosa nin touros, aquí non enganamos a ninguén".
[19:45]
Xavier Vence, portavoz nacional do BNG:
"Os agoreiros están hoxe disgustados: 259 candidaturas, 4.069 candidatos, un 30% menores de 30 anos. Aquí estamos!"
"Superaremos as expectativas. As propias e as alleas".
Discurso d @xaviervence: "Feijóo e os seus levan anos anunciando a descomposición do nacionalismo. Pero aquí estamos" pic.twitter.com/LrJKnYZGeD
— Sermos Galiza (@SermosGaliza) 25 abril 2015
[19:59]
O ateigado Pazo da Cultura entoa o Himno nacional galego, pondo fin ao Encontro do BNG-Asembleas Abertas.
[Foto: BNG]