"Machista", "Machista"!! Os berros solaparon a voz de Arias Cañete cando o candidato explicaba como, no curso dunha negociación europea, con "Rosa" [pola conselleira de Meio Rural], decidira enviar unha foto á súa muller ás 6 da mañá, para que soubese onde estaba, con quen e ficase tranquila. Un comentario realmente revelador do seu comportamento. Realizouno no curso dun encontro que o candidato realizaba en Castro do Rei con representantes do sector primario, agro-gandeiro e forestal basicamente. Estaba acompañado por Millán Mon.
Cañete continuou impávido a súa intervención. Cinco despois das súas declaracións -alegou que utilizar a súa superioridade intelectual fronte á unha muller sería visto como unha acción machista, dando a entender que non se empregou a fondo no debate con Valenciano-, o ex ministro continúa sen pedir desculpas.
A campaña de Cañete é neste momente a campaña de fuxir das súas palabras, da valoración de contido machista que realizou após o debate bipartidista que o enfrontara con Valenciano.
O político do PP cancelou entrevistas xa pactadas nos meios próximos ao PSOE.
