Suspensión dun mínimo de 15 días de soldo e de dereitos como deputado a Xosé Manuel Beiras após a súa expulsión esta cuarta feira do pleno do Parlamento. É a decisión disciplinaria que se impón ao portavoz de AGE polos feitos acontecidos durante o tenso debate sobre o resgate do Hospital de Vigo. Unha vez rematadas as quendas de palabra, o voceiro de AGE dirixiuse cara o escano do popular Miguel Tellado, golpeando a mesa en varias ocasións e acusándoo de estar "ríndose dos cidadáns" O presidente da Cámara, Miguel Santalices, chamouno á orde e expulsouno aplicando o artigo 108 do regulamento da cámara (promover "desorde grave coa súa conduta").
Beiras non se arrepinte do seu comportamento no pleno, como manifestou en Área Pública, da TVG, horas despois de sucedidos os feitos: “SE me expulsan por defeneer os cidadáns... estou completamente orgulloso”. “Eso é o que fixen. Por enriba das normas está a xustiza, a ver se aprenden dunha puñetera vez", dixo tras considerar que os populares se riran da iniciativa que presentou o seu grupo para rescatar o Hospital de Vigo.
