A terza feira o Ministerio de Sanidade e a Comunidade de Madrid chegaban a un principio de acordo para aplicar as mesmas medidas en todas as cidades do estado de máis de 100.000 habitantes.
Ao día seguinte, con todo, o Goberno de Isabel Díaz Ayuso pon máis esixencias riba da mesa na reunión da Interterritorial co resto de comunidades autónomas.
En primeiro lugar, reclamará "criterios obxectivos e claros" que non se circunscriban aos tres feitos públicos por Salvador Illa: incidencia superior a 500, positividade do 10% e ocupación de UCI do 35%. Tamén reclama poder confinar a cidade de Madrid por distritos e non como unha unidade enteira.
