luns 06.07.2020

Anova vehiculizará as súas propostas no Congreso a través de Compromís

Joan Baldoví, único deputado de Compromís nas Cortes españolas, será o encargado de trasladar as iniciativas de Anova en Madrid, segundo recolle La Voz de Galicia.

Joan Baldoví, deputado de Compromís
Joan Baldoví, deputado de Compromís

Ambas as dúas formacións formalizarán publicamente o acordo esta sexta feira en Madrid. Nunha comparecencia de imprensa conxunta, Xosé Manuel Beiras  e Joan Baldoví presentarán o pacto acadado entre Anova e Compromís. 

Neste senso, Anova-Irmandade Nacionalista vehiculizará as súas iniciativas no Congeso español a través do único deputado que a coligación Bloc Nacionalista Valenciá, Iniciativa-Els Verds e Equo posúe no Parlamento español. Desta maneira, a formación liderada por X.M Beiras desmárcase de Izquierda Unida --organización coa que partilla grupo parlamentar na Galiza-- e levará ás Cortes españolas a súa voz a través de Compromís. 

Segundo recolle La Voz, a decisión de Anova viría determinada por un maior compromiso co nacionalismo [email protected] valenciás. Compromís estaría tamén a valorar a posibilidade de se sumar á frente ampla que promoven IU e a formación de Beiras.

En 2009, o Bloc Nacionalista Valenciá concorreu aos comicións ao Parlamento Europeo na candidatura Coalición por Europa impulsada por CiU, PNV, Coalición Canaria, Unió Mallorquina e o Partido Andalucista. 

comentarios