A alcaldesa de Boimorto (comarca de Arzúa), María Jesús Novo (PP), renovou a súa maioría absoluta ao conseguir seis edís polos tres do PSOE e os dous do BNG.
Así, María Jesús Novo continuará á fronte do consistorio da comarca de Arzúa tras un mandato no que se viu envolvida nunha polémica por recibir unha dose da vacina contra o Covid-19 nunha residencia de maiores de titularidade municipal sen formar parte do seu persoal.
Tras desvelarse o caso a comezos de 2021, a rexedora abandonou a militancia do PP aínda que se mantivo á fronte do goberno local grazas ao apoio dos edís populares.
Novo encabezou novamente a candidatura do PP nestas eleccións municipais aínda que como independente.
