POLÍTICA

Albert Rivera cancela o seu único mitin en Galiza e delega en Arrimadas

Albert Rivera cancela o seu único mitin en Galiza e delega en Arrimadas

Asistirá ao funeral de Estado polos dous policías falecidos no atentado en Kabul. 

Albert Rivera


Albert Rivera non pasará por Galiza esta campaña electoral. O candidato de Ciudadanos á presidencia suspendeu a súa asistencia ao mitin que tiña programado na Coruña.

No seu lugar, Rivera asistirá ao funeral de Estado en Madrid polos dous policías falecidos no atentado contra a embaixada española en Kabul.

A portavoz de Ciudadanos no Parlamento catalán, Inés Arrimadas, substituirá ao número 1 da formación laranxa no mitin que celebrará no Palacio da Ópera na Coruña.

Ciudadanos optou por unha campaña de perfil baixo en Galiza, con repartos de propaganda a pé de rúa e sen actos políticos. Tampouco aceptaron participar dos debates electorais. Agora, no único mitin de envergadura na axenda tampouco contará co seu líder.

Apoia Nós Diario

Se estás lendo de balde este xornal é grazas ás máis de 3.000 persoas subscritoras. A información independente ten un prezo. Apoia un xornalismo galego e sustentábel subscribíndote a Nós Diario ou facéndote mecenas.

comentarios