martes 04/08/20

AGE acusa a Feijóo de “perverter a democracia” co “financiamento irregular” do PP

Yolanda Díaz ao presidente da Xunta: “Vostede contrata con esas empresas (doadoras de cartos ao PP) dende que era amigo de Marcial Dorado”.

Yolanda Díaz
Yolanda Díaz

Alternativa Galega de Esquerdas (AGE) considera que Núñez Feijóo non é un presidente lexítimo. Así o sinalou Yolanda Díaz, que incidiu en que “as súas amizades perigosas con contrabandistas e o financiamento irregular que figura nos papeis de Bárcenas e sobre o que o Partido Popular construíu parte da súa hexemonía electoral, e política, demóstrano”.

“Vostede dicía que Bárcenas era unha mazá podre no partido, pero o que está podre é a cesta enteira”

Díaz esixiu ao presidente da Xunta aclaracións sobre “o financiamento irregular do seu partido, que figura entre os papeis do antigo tesoureiro do PP Luis Bárcenas. E que inclúen doazóns de empresas superiores á contía legal -60.000 euros- cando Alberto Núñez Feijóo xa presidía a organización. Vostede contrata con esas compañías pero non dende que preside o Goberno, senón dende que era amigo de Marcial Dorado”.

comentarios