[En ampliación]
A Xunta Directiva do PP foi citada para o vindeiro luns 18 de abril, coa convocatoria do seu 18 congreso, que terá un carácter extraordinario, e do que sairá un novo equipo previsibelmente liderado polo pontevedrés Alfonso Rueda, como único punto da orde do día.
O máximo órgano do partido entre congresos foi citado nun hotel compostelán para as 17.30 horas da segunda feira polo secretario xeral do PP, Miguel Tellado, que dirixe o partido de forma interina tras a renuncia de Alberto Núñez Feixoo para asumir as rendas do PP estatal.
O cónclave convocarase, segundo as fontes consultadas por Europa Press, para finais de maio. Previamente, segundo o propio Feixoo anunciou nesta cuarta feira, producirase a substitución á fronte da Xunta.
