O 81% das bases de Compromiso por Galicia (CxG) votou a favor esta terza feira de concorrer ás eleccións do próximo 12 de xullo nunha coalición de forzas galegas.
A vindeira sexta feira finaliza o prazo para a inscrición de coalicións e perto de converterse nunha delas está a alianza de En Marea, Compromiso por Galicia e o Partido Galeguista, que ademais queren sumar a mareas municipalistas que se presentaron ás pasadas eleccións municipais con distintos resultados.
Segundo informa CxG nun comunicado, a súa militancia decidiu concorrer ás eleccións nunha coalición por unha "amplísima maioría". A formación aposta por unha "candidatura de país ampla" que teña como "eixo central" ao galeguismo.
O secretario xeral de CxG, Juan Carlos Piñeiro Docampo, asegura que se vai a "facer todo o posíbel" por alcanzar unha "solución ampla" para o 12 de xullo con forzas que non sexan "altofalantes das súas sedes de Madrid".