Inquérito Sermos

80 por cento, a prol dunha Galiza soberana

Esmagadora maioría a prol dunha Galiza soberana na sondaxe de Sermos sobre o status político que debe ter o país. 17 por cento estaría por unha Galiza con máis autogoberno dentro dun Estado español federal. A participación no inquérito foi alta, 1.908 persoas.

Debate 2x5. Francisco Jorquera. Xesús Palmou. xuño de 2017
photo_camera Un momento do debate entre Jorquera e Palmou

1.544 (80,9 por cento) emitiron o seu voto no inquérito de Sermos a prol dunha Galiza soberana, en tanto que 326 o fixeron en favor dun país con máis autogoberno no marco dun Estado español federal. A opción continuista, a de se manter Galiza dentro do actual Estado das Autonomías, apañou apenas 28 votos, 1,4 por cento. Manifestaron non teren unha opinión formada só 10 persoas, 0,5 por cento das que participaron na sondaxe.

O inquérito tiña como orixe o debate tido no Sermos polo ex conselleiro e ex secretario xeral do PP Xesús Palmou e o ex parlamentar do BNG e presidente da Fundación Galiza Sempre Francisco Jorquera.

Comentarios