luns 13.07.2020

12-X: Compromiso por Galicia de Maceda non fará campaña pola Marea Galeguista e pedirá o apoio para o BNG

O concelleiro Celso Sánchez anuncia que se desvinculan de CxG.

Candidatura de CxG nas Municipais de 2019 en Maceda
Candidatura de CxG nas Municipais de 2019 en Maceda

Compromiso por Galicia de Maceda anuncia a través dun comunicado que non fará campaña a favor da coalición electoral da que CxG fai parte para as eleccións do 12 de xullo canda o Partido Galeguista e En Marea, 'Marea Galeguista'.

Considera que esta coalición non axuda para lograr ao que entenden que debe de ser o principal obxectivo desta cita coas urnas e que pasa por lograr que o Partido Popular e Núñez Feixoo non recunquen no Goberno da Xunta.

“Pediremos como grupo o voto para o BNG xa que nos parece a mellor alternativa a día de hoxe para acadar ó obxectivo de propiciar o cambio necesario na Xunta”, afirman no comunicado.

Ademais, entenden que CxG “deixou de ser un instrumento eficaz para defender os dereitos e intereses da Galiza como pobo e que os obxectivos polos que se fundou o partido deixaron de existir”.

Por iso toman a decisión de se desmarcar de Compromiso por Galicia e “constituírnos en grupo e candidatura independente co nome de Compromiso por Maceda”.

comentarios