Esquerra Republicana de Catalunya gañaría as eleccións catalás se estas tivesen lugar agora e lograría o 24,4% dos votos e entre 38 e 39 deputad@s, fronte aos 21 actuais. Así o asegura o barómetro de verán do Centro de Estudos de Opinión (CEO) da Generalitat, que se fixo público este xoves.
Na segunda posición quedaría a gobernante CiU, que pagaría as políticas de recortes e a ambigüidade co proceso soberanista e que se agora ten 50 escanos ficaría entre 35 e 37, cunha intención de voto do 22,8%, mentres que o PSC manteríase como terceira forza con 16 escanos, catro menos que na actualidade.
PP e ICV-EUiA empatarían con 13 e 14 representantes, o españolismo de C's lograría 12 parlamentari@s e a esquerda independentista e social das CUP duplicaría o seu resultado e pasaría a ter seis deputad@s.
Independencia
Segundo o barómetro de CEO, de haber hoxe un referendo de autodeterminación en Catalunya, gañaría a opción da independencia, escollida polo 55,6% das e dos entrevistados. De feito, un 22% d@s votantes do PSC e un 44% de ICV-EUiA decláranse independentistas.
![[Imaxe JxS] Muriel Casals](/asset/zoomcrop,480,270,center,center/media/nosdiario/images/2016/02/14/2016021411384555262.jpg)
