Colau non asistirá á Diada por ter unha “connotación electoral”

A alcaldesa de Barcelona, Ada Colau, anunciou que non vai `participar na Via Lliure porque fai “referencia explícita” á convocatoria electoral do 27S, segundo recolle Vilaweb. Nunhas declaracións na radio Rac1, Colau asegurou que non cre que esta sexa unha mobilización “partidista” mais si que “está referenciada claramente a unhas eleccións”, polo que “sen cuestionar en absoluto a lexitimidade” da Vía Lliure, considera que como alcaldesa que representa a todos non debe asistir.

Ada Colau explicou que sempre participou nas mobilizacións da Diada, e tiña previsto tomar parte na deste ano, mais que decidiu non facelo Manterá, iso si, a máxima colaboración coas entidades convocatntes para que decorra de mandeira satisfatoria.

Preguntada polo artigo de Felipe González, Colau afirma que todos os cataláns, independentemente das ideoloxías, séntense “profundamente insultados” e considera que o ex-presidente español debería pedir disculpas.