Barack Obama anunciou que tiña tomada a decisión de intervir militarmente en Siria. Un ataque, aclarou, “contido en duración e obxectivos”. Argumentou que non podía actuar doutra forma e que irá ao Congreso de EUA a procurar o apoio a esta intervención en Siria. E mandou unha mensaxe aos congresistas: “Que mensaxe daremos ao mundo se un ditador pode gasear aos seus cidadáns sen pagar por iso?”. EUA sostén, malia non achegar probas, que o ataque químico da semana pasada foi realizado por Damasco.
Obama, aliás, sinaliu que a actuación contra Siria “pode ser mañá, a semana que vén ou nun mes”. Recoñeceu que “os nosos soldados están cansos” após as guerras de Iraq e Afganistán, polo que a intervención non será terrestre. Os mortos serán só siri@s.
“Somos EUA”
“Somos EUA, non podemos ignorar o que ocurreu”, continuou Barack Obama, que lembrou que está “na identidade dos Estados Unidos” actuar neste tipo de situacións.
