Nos anos 30 produciuse un grande avance no deporte feminino, tanto na Galiza como no resto do mundo. Mais o caso do hóckey resulta especialmente particular, pois son as propias mulleres as que se autoxestionan e crean os seus propios equipos, antes incluso de que o fixeran os homes.
Considerado pola prensa da época como unha mestura de golf e fútbol -até o punto de ser definido como "o fútbol das señoritas"-, para algunhas mulleres o hóckey era tan só unha forma de ocio, pero para outras era un vehículo para acadar maiores dereitos e autonomía.
Así, en novembro de 1932 xorde o primeiro equipo galego, o Vigo Hóckey Club, da man de Luz Vizcaíno Coloma e a curiosísima Anita Bakker -non confundir coa marabillosa cantante de soul-, unha alemá radicada en Vigo desde os cinco meses de idade capaz de falar catro idiomas, realizar estudos superiores en Alto Comercio e Economía, fundar un conxunto deportivo exclusivamente feminino que ela mesma presidía e que tiña unha directiva formada unicamente por mulleres e, ao mesmo, sentir devoción por Adolfo Hitler.
A neta do inventor do submarino
Practicamente ao mesmo tempo que o Vigo Hóckey Club nacía o Atlántida Hóckey Club. A súa promotora foi María Antonina Sanjurjo, a neta de Antonio Sanjurjo Badía, un coñecido inventor da época quen, entre outros enxeños, creou a primeira máquina de vapor galega ou un submarino que defendería as Rías Baixas dun hipotético ataque ianqui durante a guerra de 1898.
(Podes ler o artigo íntegro de 'O día que elas colleron o stick' no suplemento Xogar, no teu Nós Diario de hoxe (e de todas as terzas feiras), á venda no teu quiosque, libraría, tenda, gasolineira ou na nosa loja)
Neste número, ademais, Omar Bello escribe sobre a historia de superación de Jesús Suárez en 'Fútbol para abrir os ollos'; Rodri Suárez e Berto Villamarín deixan as súas opinións nas seccións 'Meta voante' e 'Pé a terra', e o Trofeo Teresa Herrera protagoniza o 'selfie' desta semana.
Suplementos diarios de carácter temático
Coñecer’, ‘Aprender’, ‘Xogar’, ‘Gozar’ e ‘Producir’ publicaranse de terzas feiras a sábados co diario para ampliar a información relativa a patrimonio, historia, arte, ciencia, educación ambiental, ensino, actividade física, gastronomía, enoloxía, viaxes, sectores produtivos e iniciativas empresariais, entre outros. Unha aposta de Nós Diario no marco da celebración dos seus cen primeiros números en papel.
