Os partidos socialdemócratas da UE deciden apoiar a Juncker, o candidato da dereita

Os partidos que forman grupo co PSOE queren que sexa Jean-Claude Juncker, do PPE, o presidente da Comisión Europea pero agardan que se lles concedan a eles tamén algúns postos no seu organigrama, noutra versión da 'Grosse Koalition'.

parlamento europeo UE
photo_camera parlamento europeo UE

Os líderes socialdemócratas europeos mantiveron unha xuntanza en París na que chegaron ao acordo de apoiar ao conservador luxemburgués Jean-Claude Juncker para o cargo de presidente da Comisión Europea, ao tempo que dixeron que esperaban que outros postos de responsabilidade da UE fosen para membros dos seus partidos, entre os cales se integra o PSOE.

“Os socialdemócratas aceptan que o Partido Popular Europeo gañou as eleccións europeas e que Jean-Claude Juncker debería converterse en presidente da Comisión Europea, pero esperamos que os socialdemócratas ostenten outras funcións dentro do organigrama da Unión”, dixo o alemán Sigmar Gabriel, onde a socialdemocracia goberna en coalición coa dereita de Merkel.

As últimas eleccións europas foron as primeiras nas que se propuxeron candidat@s para a Comisión, sendo Juncker o apoiado polo PP e Martin Schulz polo PSOE, que agora amosa o seu entendemento co que en campaña presentaron como rival.

Máis en Mundo
Comentarios